رام اللہ میں فلسطینیوں کے مظاہرے

ابنا:‌ فلسطینیوں نے رام اللہ میں عالمی ریڈکراس کے دفتر کے سامنے اجتماع کیا اور زوردار نعرے لگاتے ہوئے فلسطینی قیدیوں کا مسئلہ حل کرنے میں عالمی اداروں کی ناتوانی و لاتعلقی پر کڑی تنقید کی ۔ مظاہرین نے فلسطینی قیدیوں اور خاصطور سے ان دو ہزار قیدیوں کی جان بچائے جانے کی ضرورت پر تاکید کی جو گذشتہ چوبیس دنوں سے صہیونی ریاست کی کارکردگی کے خلاف احتجاج کے طور پر بھوک ہڑتال پر ہیں ۔ کل بھی اسی طرح کا مظاہرہ رام اللہ میں اقوام متحدہ کے دفتر کے سامنے کیا گیا تھا۔ قابل ذکر ہے کہ فلسطینی قیدیوں کے مسئلے میں بین الاقوامی اداروں خاصطور سے اقوام متحدہ کی لاپرواہی سے تمام فلسطینیوں میں غم و غصے کی لہر دوڑ گئي ہے ۔............../169